انه راية الله اكبر .. انه العراق والكل يعرفوني
انه اللي سهرت لأجلكم وما يوم غمضت عيوني
انه اللي رفرفت فوك الرماح والكل يهابوني
انه اللي وكفت بوجه اليهود وما كدروا يلاووني
انه اللي حضنت كل شهيد .. وياه دفنتوني
انه اللي وكفت وياكم بالفرح .. وبالشدات تنخوني
انه اسود بوجه العدا .. وابيض بوجه اللي يحبوني
انه احمر بدم الشهيد ..واخضر من زرعتوني
انه عمري ما تغيرت وما بدلت لوني
ياما فوك روس العدا انتو رفعتوني
اسألوا اطفالكم .. وخليهم يوصفوني
ادري يكلون العراق اول ما يشوفوني
ما اريد الأنذال .. ما دام ما يريدوني
اهل الغيرة بيه يتشرفون وهمه يشرفوني
واسود الرافدين احلى من شالوني
لو بعدت عنكم يوم مغصوب اعذروني
لا انه اريد البعد ولا اريد تنسوني
وادري بكلب كل عراقي مرسوم تلكوني
انه راية الحق .. الله اكبر .. بكل ديرة رفعوني
الجمعة ديسمبر 26, 2008 4:02 am
