ابوذيات عسها تعجبكم
افز من يجي وليفي وفر بيه
وشبكه ومن فرحتي وفر بيه
اذا بالشته وجو بارد وفربيه
احس تموز حضنه يصير اليه
حبيبي شلونك بهجري وانه بعيد
لجلك البس السود وانه بعيد
كتله حيل احبنك ونب عيد
اكرر والصده يرجع عليه
اضل انطر خيالك وفطر
غيابك للكلب هدم وفطر
صايم كظيت العمر وفطر
اذا شخصك يمر يا روحي بيه
حبيبي ارجوك موكتلك موتاني
وكتاب اجفاك منيمك مواتاني
ترى گلبي بغيابك موتاني
ينشد عليك كلصبح ومسيه
تروح الروح بغيابك وأردهه
وكتاب جفاك يمدلل وردهه
روحي بغيابك تره يذبل وردهه
ماي انته وترد الروح بيه
حفرت الجدم جيفن يوم طبله
ولا مرة الهوى والوكت طبلة
الزمن خلاني بيد اعداي طبلة
اصرخ والجفوف تدك عليه
حبيبي شمحله وجناته و وجهه
و شعل بالكلب نيرانه و وجهه
أريد أضبط صحن كلبه و أوجهه
و السكنال أطلعه اليوم ميه
صفه الچاتل اخوتي ابغـدر خــوان
ولشاهـد وطنه البيـه خـــــــــوان
السني وي شيعي ابجرح خـوّان
يفت اكَليبي ونهم كل مسيه
الثلاثاء فبراير 03, 2009 3:25 pm